2007年5月14日星期一

QDII

上星期阿公放寬QDII投資去舒緩A股泡沫,此舉非常明智。

經過幾次增加銀行儲備金後,國內人民投資意慾沒有減卻,有很多人有錢但沒出路,亦有人賣田押屋去炒股票。國內股票好多 P/E 已經去到三十幾倍依然繼續升,無辦法,因為僧多粥小。國內人民投資情緒高漲,如果繼續落去,爆起上黎真係唔講得小,而且以今時今日中國的經濟影響力,只要一出事,相信全世界冇一個國家可以幸免,會比 1997 及 2000 果劑大鑊好多。

阿公這樣做令到幾方都得益
1. 可以達到某情度的洩洪效果,有些錢不用夾硬投資溢價偏高ge A股。
2. 肥水流入自己田,某情度上令香港人得益,有錢到自然有好多公司有發展機會,希望香港人會珍惜阿公比ge野,唔好一味話阿公唔民主,飯都冇得開時講乜鬼民主呢?
3. 亦可縮窄 A/H 股差價,令到A股間接地溫和地調整,比較健康。

而之前自己或幫阿媽買落ge H股 (江西銅、兗州煤、神華能源和大唐發電) 今日都升左唔小,飲得杯落,真係要多謝阿公。

之前有朋友買左D中石油及港交所窩輪響今日起死回生,真係皆大歡喜。

而且今日收到廖師傅來電,知道阿文亦可做到冷靜地克制自己,非常好,人生漫長,希望佢繼續學習繼續進步。在亦很感謝阿文接納廖師傳和我的說話。

至於我好朋友九流通訊工程師亦賺到今年使費,應該有餘錢請我去旅行....hehehe.....睇到就識做啦

3 則留言:

九流無網絡量地官 說...

我當然識做啦…一於布吉啦,不見不散。

喂,深圳布吉啊…唔好去錯!

九流無網絡量地官 說...

剛剛阿公又出招,其實內地股瘋係因為遊資太多,但放係銀行係負利率。中國人一般觀念係儲錢,國內人以前機會唔展多,一般人都會將錢放係銀行,但國內近年發太快,一小部份人富起來,而且係暴富,於是做成高通漲。

我太太大哥十年前買一間屋,只係六萬。上個月我太太父母買一間類似既屋,要三十幾萬。佢地間屋已經同香港唐樓差唔多,假如優質樓升幅真難以估計。但佢地一段人人工最多只係升左一倍,你可以計下儲蓄利率要幾多先可以有呢個增長。

當一個人發覺放錢係銀行等於倒錢落海,從商但營商環境太黑暗。當社會到處都係唔公平現像,為左生存,佢地只有將錢放係一個最"公平"既投資途徑。

基本上加利息同準備金根本解決唔到問題,再加十次息,放錢係銀行一樣追唔到通漲。

二流程式員 說...

深圳布吉…唔係出手咁低嗎?

阿公出招都好過無…
上面ge社會問題我地係無能為力,可以做ge就係抓緊機會,依D機會,一生人得幾次ge ja