2007年5月8日星期二

今天夜裡總下雨

昨晚同九流通訊工程師傾開,唔知講到D乜,講到我的一個又可笑又驚慌的經歷。

十多年前的一天,有一位同學突然在我面前播「今天夜裡總下雨」依首歌,又同我講首歌佢好鍾意,又為我解釋歌詞含意,聽到我由莫明奇妙至到心裡一寒。

自問自己唔係靚仔又唔瀟酒又唔聰明又唔識講野又唔係有錢,自問對女性非常檢點沒有毛手毛腳亦沒口舌招油,亦無對佢女友做過任可事,而且我對佢女友連 0.1% 興趣都冇,那一刻真係唔知講乜,只好唔出聲……

昨晚被九流通訊工程師攞番出來加鹽加醋講,聽番都真係好好笑,但又駁佢唔到…

2 則留言:

九流無網絡量地官 說...

我忍唔住,決定要講出事實真相:

當年有兩個燒黃紙兄弟,係夕陽前話過要係研究界共同開創一番天地,等我介紹下佢地:

一個叫行運,係業界好出名,簡直係劍掌雙絕,文能濟世,武能匹敵,個樣掂唔駛講,一件李小龍黃色戰衣瘋魔萬千少女,打warcraft重從來無輸過,假如早出世千幾年,真係帝皇將相之材。

另一個叫指南針,皆因方向強,呢個人不學無術,最叻淨係記d無謂野,日日瞓午覺,然後同猪朋去食飯打機。

本來行運唔計較指南針不成氣,當佢係好兄弟,仲一包kitkat兩份食,可惜係呢個物慾橫流既社會,好多人會受唔住誘惑,有幾多人可以好似行運咁出污泥而不染,正所謂利字擺中間,道義放兩旁,好多人都好似指南針咁不知不覺變哂啦(要用丁蟹tone)。

話說行運經過多年苦心經營,終於寫出星球大戰論文,呢篇論文可能可以同愛因思坦相對論相題並論,因為呢篇野可能全世界唔夠五個人可以完全明白,另外行運又覓得最佳女朋友,可以話同佢天生一對,係呢個時候,行運正所謂事業愛情兩得意,人生至此,夫復何求!!!

反觀指南針,由於不務正業,變成人又老錢又無,仲要打親warcraft都輸俾行運,人生跌到谷底,人性遭到扭曲(下刪數萬字),佢為左報復,決定要奪去行運身邊最寶貴既野,行運一生有三寶:小龍戰衣、星戰論文同女朋友。
件戰衣指南針著唔落,星戰論文佢都睇唔明(佢睇左幾百次都唔明個理論點解可以成立),只有淨返行運個女朋友。

事緣行運女朋友曾經因為指南針迫行運食kitkat而指摘佢,從而結下樑子,指南針決定要從行運身邊搶走佢,欺騙佢感情,再狠狠地無情地將佢既愛放係地上踐踏。

但一切都逃唔過精明既行運雙眼,情與義之間,點樣先可以阻止指南針,又唔傷害兄弟間感情?最後行運用左一招"今天夜裡總下雨",好令指南針知難而退。

天理循環,報應不爽,指南針多行不義必自弊,最後淪為一個二流程式員。

編者的話:本人讀書時係學校裡面中文作文界好出名,連中文老師都無我符,希望你唔係食緊飯時睇呢般野!!!

九流無網絡量地官 說...

仲有少少補充:

行運係一個好有要求又長情既人,佢鐘情麥當勞,而且可以食出每一間老麥有乜唔同,每一次佢知道有新老麥開張,佢都會不離不棄咁叫大家去試。