迫上斷背山(I Now Pronounce You Chuck & Larry)

上星期五同九流通訊工程師去黃埔睇 '迫上斷背山'，但無上斷背山。

因為有Coupon唔使比錢關係，我選一套笑片輕鬆一下。

套戲有90%以上搞笑，主要講Chuck & Larry一對消防員partner，Chuck係一個無女不歡的人，而Larry係對死左三年的老婆然念念不忘，獨力照顧一對仔女。因一次工作意外，令Larry注意到自己工作非常危險，必須為子女打算，為左可以繼續做消防員而又可在殉職時以令子女得到保障，佢決定搵Chuck扮基結婚。但佢地結婚被政府懷疑及調查，過程中攪出一連串笑話…

當中有幾點我想提出
1. 佢地扮基結婚，受到很多人歧視、聽到很多難聽說話及令消防局受到很多人反對同性戀的壓力 - 戲中帶出很多人歧視甚至主動攻擊完全沒有影響人的同性戀者，依點值得反思

2. 在其他同僚聯名要他們在工作上折夥時，Larry講左Chuck同佢以前幫左好多有份簽名同僚的事件，亦說出為何因同性戀而影響佢地正常工作？

3. 在政府鈴訊佢地時，佢地講左在一些失意事得到對方陪同渡過，如Larry老婆死及Chuck第一次救唔到一個浸親的細路。想深一層友情同愛有時overlap，好難分辨，愛可以係精神層面可以係體層面…

雖然我不接受同性戀，但應反思反思...

四叔買乜我買乜

上星期睇到報紙報導，四叔在八月十七日(HSI大跌…千二點果日)用左廿億掃貨，當有D我都有買和之前持有。至於四叔買ge可歸類為

1. 超級增長股中人壽，林森池先生所講ge千里馬，想知點揀千里馬ge朋友可以參考林森池先生著作'平民資本家' (我有兩手IPO揸到依家)
2. 國內地產股，因為我不大認識大陸地產我無持有。不過一個國家開始經濟起飛，離不開食好D住好D，需求增加自然有利內須股同地產股，情況有如廿年前的香港
3. 煤電股，成市化會令電力需求增加，而且阿公無打壓煤價
4. 鋼鐵股，大陸重有好多大型基建要開工，鋼鐵水泥不可小，水泥 (914)已經升到開巷水位有限
   

我同四叔眼光都差唔多....hehe......我估主要原因其實係我同佢ge information source係相近.....當然我果D無得同佢比....

可能加埋四叔效應今日個市升到顛左！朋友如果你想入市，買之前計一計D水位同明白自己係長線定短線先買，因為恆指同國指累積升幅真係唔小。

星期五同Yoki夫婦食飯，講開上次我響佢鋪頭開股票投資入門的學員(果次純粹教佢地D基本野，我無收錢)，大部份都無聽我講買我講ge股而走去玩細價股，可能好多人認為玩股票係為左短時間搵錢，而忘記我所講的投資本義同老千股ge危險性。我之前的文章亦有提及過，有緣ge朋友希望你參考一下我所有投資, 股票標籤的文章，當然歡迎你比comment我。

我想如果佢地照我講去買(當中包括四叔有買果D)，40-50% profit 唔難做到，不過中間上落可能佢地EQ未足夠應付。

用另一方向想，佢地早D響股市損手學乖好過臨老輸鑊甘。

十四歲的九優女狀元

前兩日會考於榜，今屆有一個智商非常高的十四歲女生考獲九優。網上的人都議論紛紛，有的讚賞，有的取笑其身形，有的說她在新聞上說補習天王時所講的話比較吋。

平心而論，我對她非常欣賞。欣賞不是她奇高的智商，而是她出身普通家庭，資源有限，雖然確定有非一般智商，但沒有選擇名校，甘於在一間普通中學就讀，得到九優成績仍在原校就讀，非常難得。說她在新聞上所講的話比較吋，我一點也不覺得，在親聞訪問中她說出一點我非常同意，就是學習要有興趣先會學得好同快，但有幾多香港學生明白和去實踐？

我中學時已知此道理，但礙於自己的中英文程度「超低能」，自己沒有恆心學好，對語文科目避得就避。所以在閱讀時非常吃力，因為自己EQ低，有一段時間是處於放棄況態！而很多野其實用現在語文情度去睇返都好淺。好彩是當時家人支持，會考語文可以合格過渡。

當時自己語文能力低，在中四時開始專攻數學，因為計數不須太多英文，哈哈…，成績不錯…不過上到A-level英文真係死到直一直…直到有幸上到City先知死，俾心機學英文，英文開始有進步時，回想發覺很多容易理解的東西都是因語文程度關係令我閱讀起來十分吃力，中途放棄。

知識有好多都係互相關連的，要老實地一步一步學習，築好底先可以繼續上，中間偷懶miss左D野，之後的東西可能要花更多時間去理解，語文對理科人看來不大重要，經驗所得其實是很重要，語文能力低會令閱讀理解及表達都大打折扣。

在依段大學讀完又讀的生活中，令我知道經過老實學習、思考及融會的才能是自己的知識。

雖然在學習上我走了很多比人長的路，但亦有得著，其中得著是認識了九流通訊工程師同應該響美國攞到PhD ge阿Joe...

QDII

上星期阿公放寬QDII投資去舒緩A股泡沫，此舉非常明智。

經過幾次增加銀行儲備金後，國內人民投資意慾沒有減卻，有很多人有錢但沒出路，亦有人賣田押屋去炒股票。國內股票好多 P/E 已經去到三十幾倍依然繼續升，無辦法，因為僧多粥小。國內人民投資情緒高漲，如果繼續落去，爆起上黎真係唔講得小，而且以今時今日中國的經濟影響力，只要一出事，相信全世界冇一個國家可以幸免，會比 1997 及 2000 果劑大鑊好多。

阿公這樣做令到幾方都得益
1. 可以達到某情度的洩洪效果，有些錢不用夾硬投資溢價偏高ge A股。
2. 肥水流入自己田，某情度上令香港人得益，有錢到自然有好多公司有發展機會，希望香港人會珍惜阿公比ge野，唔好一味話阿公唔民主，飯都冇得開時講乜鬼民主呢？
3. 亦可縮窄 A/H 股差價，令到A股間接地溫和地調整，比較健康。

而之前自己或幫阿媽買落ge H股 (江西銅、兗州煤、神華能源和大唐發電) 今日都升左唔小，飲得杯落，真係要多謝阿公。

之前有朋友買左D中石油及港交所窩輪響今日起死回生，真係皆大歡喜。

而且今日收到廖師傅來電，知道阿文亦可做到冷靜地克制自己，非常好，人生漫長，希望佢繼續學習繼續進步。在亦很感謝阿文接納廖師傳和我的說話。

至於我好朋友九流通訊工程師亦賺到今年使費，應該有餘錢請我去旅行....hehehe.....睇到就識做啦

投資的首要條件 - 本金

前日得到廖師傅傳消息，得知阿文在近日升市中，將之前在窩輪市場上差不多輸定了的大量金錢奇蹟地減到很小，真係值得高興，亦舒了一口氣。希望佢會珍這次上天給他的機會，從次寶貴的經驗令佢有所領悟及得益，亦希望佢多些參透一些佛學哲理(我有些班門弄斧)，克服一些人性的習陋，相信對佢人生、事業及日後在投資市場上的活動有所幫助。

但同日亦收到另一位朋友來電說買了中石油窩輪，真係有點不高興。第一，在對話過程中發覺佢對那隻窩輪所知不多；第二經過了好消息出爐及大升後，基本上上升空間有限，追入風險非常高。相信經過這幾天中石油回吐佢已經唔見左40-50%，雖然果筆錢對佢來講只是雞毛蒜皮，但對好多人來講是一個不小的數目。

近排有些唔開心，聽到身邊越來越多日參與老千股和窩輪買賣，很多人離不開個"貪"字。真心說我亦很貪，初出茅廬時，因誤信親戚提供的老千股輸了不小錢之餘，重連累好朋友。我本是一個比較口密的人，只講比幾位最好的朋友聽，偏偏就累了最好的朋友(當然包括九流通訊工程師)，真係好心做壞事。近幾年，因一些機遇學識一些投資知識及得到珍貴的市場消息，雖然輔助九流通訊工程師賺左唔小，但今時今日重有些耿耿於懷。

老千股經常可以在市場千極都有人落疊，主要運用了人貪的心理及巧妙地運用人與人之間的信任。

今時今日我學乖了，貪之餘我會加上風險考慮。要知道在投資市場上機會多的是，令願放過都唔好買錯。而且投資市場是錢搵錢的，入投資市場搵錢首要條件是有本金，沒本金就等如Micheal Jordan六犯離場，知道自己落場一定贏，但根本沒法落場只可眼睜睜地睇。

如果在這次升浪中輸掉大部份錢，在下次升浪來臨前可以儲到的錢是不會太多，本金有限時一定會錯過了之後升浪的機會。所以很多不注重本金的人每每在每次的升跌週期中輸掉本金、儲錢、輸掉本金…，只會不繼在牛熊週期中原地踏步、或在當中被foul出局…

所以我主張本金安全增值是首要考慮。

新年快樂

新一年祝

九流通訊工程師 - 阿仔越來越好，股市大賺
Eva - 身體健康， 升織加薪，順利畢業
May - 身體健康，升織加薪，工作無壓力
Ken, Iris, 小白同蕃薯 - Ken同Iris新年發財，小白蕃薯活活潑潑身
Matchy - 搵到份好工，搵到好女友
Ben - 食小D煙，身體健康
Pauline - 搵到個好老公，股市大賺
Fiona - 升織加薪，日日唔洗OT
康少 - 身體健康，股市大賺，工作今年有好開始
廖師傅 - 新鋪開張成功，大展鴻圖
Chow Chow - 新工作事事順利，Reiki學生越來越多
Ray - Yoga 班長開長有
Julia - 生意順利，貨如輪轉，年年都咁靚
Vicky - 減肥成功
Zoe - 同partner合作愉快
阿Joe - 響美國生活愉快
黑鬼Gary - Hi 唔Hi-Tech都工作順利
Helen - 唔好成日咁short，生活正常D
Jones一家人 - Jones同Jack工作順利，阿仔快高長大

金錢與健康

星期二同九流通訊工程師去醫院探康少，非常不幸這次是他三年內第二次開刀，在此祝他早日康復身體健康。

康少是我現任的二流程式員工作中認識的朋友，而九流通訊工程師是一次康少因想投資電訊股而想清楚電訊界動向，由我介紹而認識的。康少對朋友係無得頂，但對一的小人真係不留情面。這幾年他在機緣巧合下得到一些非常珍貴的投資資訊，非常榮幸地，他亦主動和我分享及討論，這幾年令我和九流通訊工程師在投資方面知識增進不小，在此感謝他令我這幾年大開眼界。

康少本身家庭比好多人(包括我和九流通訊工程)富裕，加上這幾年投資回報，生活不成問題，加上一個好太太及兒子們，生活應該非常開心。但每次和他約會食飯，在談話中發覺借他亦有很多唔開心同擔心事情，很多同事以為他有錢生活應該好容易好開心，但其實我覺得好多時我會開心過他，而我覺得他的問題主要是工作同身體。

工作方面主要係他新team 的 team members問題，以前和康少一team，大家team內工作分配得好好，大部份team members非常好人，合作愉快。但他新team 的 team members真係……他心情經常壞，健康怎會好?

健康方面，他本身有些病要經常服藥亦要戒口，和他吃飯他時他經常概嘆有錢都無用，很多東西不能吃，很多活動不能參與，在這方面我亦感受到他的無奈。加上近年的兩次手術，他亦擔心自己會有事不能照顧太太及兒子，這幾年亦很努力去投資，盡自己努力去預備一筆生活費用。

其實金錢與健康都是很重要的，以前年輕身體無問題時，只會注重金錢。隨著年紀大，身體大不如前，見到朋友家人相繼病倒，健康變差，有些事亦因病亦不能做，知道錢有好多野買不到，現在我會比較重視健康。

現在我會這樣看健康比金錢重要得多，有錢你都買唔到健康，但有健康你就有好多機會去搵錢同用它。

Chow Chow 的 BLOG

上星期六 Chow Chow個BLOG 開張了，首先祝佢個BLOG開張大吉，繼而人來人往，多D人睇佢個BLOG，多D人有得著，多D人有可以開開心心做人。

可能因為係佢職業病同埋做事細心問題，Chow Chow個BLOG 和她主持的 Reiki 課堂 及 《喜談 - 男與女》 內容、notes 及 PowerPoint presentation 一樣，內容豐富，設計精美，顏色及插圖美麗，我這個二流程式員(話曬電腦知識有返咁上下)都有D慚愧。

Chow Chow 和廖師傅都是我近期認識的好朋友，雖然佢地來自不同宗教，但係佢地都可以不分宗教不問收獲地去關心幫助新認識的朋友或學生(包括 問題先生Eric Tang 及我這個二流程式員)。依段時間從佢地身上學識好多快樂同令身邊人快樂的方法及哲理。

記得一次和Chow Chow談論到一些九流通訊工程師家中的問題時，Chow Chow二話不說就自動請纓免費教九流通訊工程師一些心靈治療方法(但Chow Chow是一個兼職導師)，真係令我和九流通訊工程師非常感動，在此再三多謝佢。

城市人(特別香港人)生活在壓力大關係疏離的社會下，很多人情緒不能釋放，很不開心。希望多的人可以從Chow Chow 的BLOG學識找尋快樂及和人分享找尋快樂的經驗，或者起一個BLOG將自己生活裡的快樂經歷同學習快貼士與人分享。

快樂係可以打破人與人之間的隔膜，可以傳染的，請你相信，從今天起請你把你的快樂傳染給你身邊的人。

九流無網絡通訊工程師

昨日同九流無網絡通訊工程師食飯，先知佢公司乜電果個無能法國佬響度進行緊一個公司摺埋計劃，聽完之後先知佢非走不可，走並非一時衝動。

現階段不適宜談乜電公司摺埋計劃，遲些由九流無網絡通訊工程師自己講果D做乞兒都好過做工程師的公司package。

最後借股票必勝法打首油詩比我的好朋友

"乜電原意，乃讓電訊發展有其地，通訊發達，人皆有益。惜某法國人人性貪婪，管理無能，巧取豪奪，令乜電樂土成煉獄，血雨腥風，殺戳不息，無數工程師為五斗米而折腰，各懷鬼胎，某管理層近排做更法喪盡良知。你於電訊界打滾十多載，應知乜電病入高肓，智者應知此乃一處無藥可救之地。取勝唯一法︰「及早離去」四字而矣。"