之前提 ge Project 終於完成左，六月出曬街。雖然重有D手尾跟，但無一D大問題出現，而用家比ge評價相當好，總算於下心頭大石。依個project其實有部份工作對普通人來講算係厭惡性，但我覺得係工作優先及可以接受，所以欣然接受。依個project做得好，完成後有D上師會開始識我，而我亦得到一D回報。
記得做第一份工時，果陣流行PowerBuilder，識得就唔愁出路，個個都想做，而果 D Mainframe VAX Cobol 就無新人願做。我就因為無所謂ge性格加上工作係我家姐介紹，我甘心做一D無人願做ge野，結果做得好，好快有人賞識，升得比同期ge人快。至於PowerBuilder都已經成為夕陽工藝。
IT ge野變得好快，精通一個programming langauge係無意思，等如依家成日見D人話學Java，但點解要用？幾時要用？點Design先好？又有幾多人知？個人覺得食IT飯最重要係經驗及在須要時可以在短時內學懂及應用新technology，不過唔係好多人明依個道理。
本人經驗之談，多人爭ge野未必好，無人願做ge野，唔使爭，做得好更顯出你ge能力及適應能力。如果你係老細會用一D成日揀野做定一D適應力強乜都肯做ge員工？
2008年8月20日星期三
Mission possible
2008年5月6日星期二
阻人發達定阻人去死？
依幾個月真係忙個不停，個 project 出左街，叫做識行識走，非常好彩，不過依排老細又想加野去討好高層，好唔係唔好，不過人手就非常緊，我自己做D implementation job 己經做到踢曬腳，邊有咁多時間靜靜地去desing？本想放假去玩玩，不過睇黎有D難度
上星期日發生左一件不愉快的事，我都唔知我係阻人發達定阻人去死？
其實上星期日九流工程師約我同黑鬼去籃球場射下波，之後就去茶餐廳飲野吹水。在茶餐廳，黑鬼就開始問我同九流一個問題，大約係佢想賣左依家層樓再套現一百萬，等樓市低時再買返，至於住屋問題，就用平時供樓筆錢再加上套現果筆錢每個月搣多大約五千元去租樓一個大單位，識佢咁多年，我同九流心中盤算佢咁做同自剎無分別，黑鬼現狀係
1. 人工只係我的一半，但我人工唔算高只係一般中位數
2. 一家四口只得佢一個人做野，一個女就黎讀小學一個就剛出世
3. 人到中年，賺錢能力最高的時候已過去，雖然本身份工算穩但應該無得發圍
4. 至於佢做野能力就唔知，但以前做同學時覺得佢係中下，人就當然唔係smart
5. 每個月都無乜錢淨作儲蓄
本來佢話頂唔順，賣左層樓租個細單位減輕壓力，我覺得無問題。但係佢個做法係剎雞取卵，將自己唯一資產變買黎洗真係等死。而且我相信佢無能力可以用果筆錢去再搵錢。
九流就用好婉轉方法嘗試去說服佢，而我就直接拋左幾個問題問佢，大概係
1. 佢點可以知道樓市頂同底 ? 佢唔知
2. 佢老婆點唸？ 佢答老婆無意見
3. 係唔係有其他人壓力先咁做？佢答唔係
4. 佢估佢自己有幾多歲命 (想隨著問佢可唔可以響有生之年供到子女讀完書同，萬一出左事佢D老婆仔女點算？但佢都無理我)
不過佢覺得我玩野，求其答我。最後九流同佢長篇大論完，佢又返轉頭又再同九流分析，我覺得佢係想說服九流去認同佢。這時我已經心裡有數，講落去都係浪費唇舌，我就不繼同九流講由得佢做啦，最後佢發火鬧我，之後不歡而散……我頭也不回走了
我得到一個結論，道不同不相為謀，依個人已經唔係我朋友，之後佢發生任何事我都唔會理，最後祝佢屋企人(exclude 佢)之後無風無浪生活愉快。
2008年1月28日星期一
2008年1月22日星期二
蟹左
經過依星期咁跌法，都confirm之前買落D貨蟹左....
之前有個高人苦口婆心叫人離場，347同2600我賺左小小走左，至於手上剩低ge，佔三成左右錢。好在之前賺落個底厚，就算跌到零都問題不大，只係賺小左...... 之前亦有叫朋友走貨，但唔係太多人聽.......
而我手上股票唯有作長線投資，而手上cash都係hold 住等
依幾個月接左老細一個project，忙個不等，基本上係用緊絀時間同人手去做一個睇落小但有unknown要求的project。人手唔夠自然要身兼幾職，又要做desgin，又要同user deal，又要做聯絡，又要寫document，又要同老細做power point，又要寫program，有時亂到自己都唔知自己做緊乜....
辛苦左兩個幾月總算有D野做到出黎，不過重有好多麻煩野，希望個project 順利過渡.....
2007年11月17日星期六
Final Fantasy X
Final Fantasy(太空戰士)係一個好有名好出色的角色扮演的電視遊，令到很多人沉迷，已經出到第十三輯了，現在很多輯都有移植到不同的電視遊戲機平台，非常受歡迎。我以亦曾經沉迷過第七輯，最吸引我的是有趣的玩法、華麗的畫面、好正的soundtrack及扣人心絃的故事(當中第七輯中途公主被殺一段令我落淚)。
因為第七輯的超水準製作而把第八輯比下去，加上我當時有full time job 及其他事的關係，不想大花時間，在玩第八輯中途已經放棄了，之後的series 亦沒有再考慮玩。
近排無無聊聊地在YouTube看clips，無意中找到一些Final Fantasy的短片，非常吸引。其中一段係serie X 的 ending，真的把我吸引著。基本上，Final Fantasy集集故事都係一隊人把最後大佬打到得和平，各人過著開心的生活。但series X 的結局令我有些心酸，在打倒大佬後，因為男主角不屬於那個世界，在最後一對愛人要分開，在分開時男主角變成影像漸漸消失，已經不能觸摸到，女主角最後想擁抱他也做不到…
幸好有觀眾要求，Square 推出X延續的serie X-2，而當中有一個結局係男女主角大團圓。
2007年11月14日星期三
2007年11月12日星期一
2007年11月7日星期三
阿里巴巴與狼來了
昨日阿里巴巴上市，升到顛左，公司D人都好興奮，相信有人已經沖暈頭腦，隻狼企響後面都唔知，我就站在一面睇下算了。
二千億市值的B2B web site，以我二流程式員身份及兩年前讀E-Commerce時對阿里巴巴的study，我真係睇唔出佢點賺錢去為持依個市值。B2B真係可以賺大錢?我就唔信，可以的話，為可美國冇同類web site可以脫穎而出?(美國是internet公司最易上市搵錢地方)
近排因感覺得個市太高，有些風險不能承受，同時網上有位高人提醒金匯股的古怪走勢，應該似大戶想脫身所為，所以cash back 大部份錢等買平貨。自己及媽媽的股票減持了很多，除了長揸的IPO股及渣打匯豐，手上只餘下小量1919和1088及大量739。
現在大部份股票profit已袋袋平安，慢慢想下一步好過，但 monthly stock 會照供，IPO及渣打匯豐會照揸。
依家老散越來越小人相信個市會死，加上阿里巴巴，佢地只會怕賺唔到多過走唔切，叫狼來了時佢地只會聽到係錢來了！
哈哈九流通訊工程 篇 清倉… 裡的大時代 capture 圖有D似依家個市...
2007年9月22日星期六
2007年9月21日星期五
迫上斷背山(I Now Pronounce You Chuck & Larry)
套戲有90%以上搞笑，主要講Chuck & Larry一對消防員partner，Chuck係一個無女不歡的人，而Larry係對死左三年的老婆然念念不忘，獨力照顧一對仔女。因一次工作意外，令Larry注意到自己工作非常危險，必須為子女打算，為左可以繼續做消防員而又可在殉職時以令子女得到保障，佢決定搵Chuck扮基結婚。但佢地結婚被政府懷疑及調查，過程中攪出一連串笑話…
當中有幾點我想提出
1. 佢地扮基結婚，受到很多人歧視、聽到很多難聽說話及令消防局受到很多人反對同性戀的壓力 - 戲中帶出很多人歧視甚至主動攻擊完全沒有影響人的同性戀者，依點值得反思
2. 在其他同僚聯名要他們在工作上折夥時，Larry講左Chuck同佢以前幫左好多有份簽名同僚的事件，亦說出為何因同性戀而影響佢地正常工作？
3. 在政府鈴訊佢地時，佢地講左在一些失意事得到對方陪同渡過，如Larry老婆死及Chuck第一次救唔到一個浸親的細路。想深一層友情同愛有時overlap，好難分辨，愛可以係精神層面可以係體層面…
雖然我不接受同性戀，但應反思反思...
當中有幾點我想提出
1. 佢地扮基結婚，受到很多人歧視、聽到很多難聽說話及令消防局受到很多人反對同性戀的壓力 - 戲中帶出很多人歧視甚至主動攻擊完全沒有影響人的同性戀者，依點值得反思
2. 在其他同僚聯名要他們在工作上折夥時，Larry講左Chuck同佢以前幫左好多有份簽名同僚的事件，亦說出為何因同性戀而影響佢地正常工作？
3. 在政府鈴訊佢地時，佢地講左在一些失意事得到對方陪同渡過，如Larry老婆死及Chuck第一次救唔到一個浸親的細路。想深一層友情同愛有時overlap，好難分辨，愛可以係精神層面可以係體層面…
雖然我不接受同性戀，但應反思反思...
2007年9月14日星期五
IPO
依個月有好多隻股IPO，打頭陣ge恆鼎因有四叔參與，散戶自然安心地熱烈參與，非常興旺。我雖然極之睇好煤市場，但因為手頭已有神華(1088)和兗州煤(1171)及恆鼎唔係國企，再加上銀根有限及手上沒有祖國地產股，結果都係將錢集中抽地產股作長線投資。
IPO我並非次次參與及非作短線炒買，加上自己運氣一般，所以手上IPO ge 股票只得六隻，而另一隻地鐵(66)是以我名義幫父親IPO。手上六隻股票分別係
500股 823
2000股 2328
500股 2388
2000股 2628
500股 3968
1000股 3988
本金大概二萬七千元，以昨日收市價計大概十三萬左右，股息沒有計算在內，回報非常高。當然我主要是選保險及銀行，我相信Tony所講，這兩個行業係錢搵錢。記得幾個月前和朋友食飯，透露了自己手上有兩手IPO的中人壽，他們都報以羨慕眼光，好像問何解可以揸咁耐。
以前聽了朋友母親揸匯豐發達的故事，我覺得我未必做到定期買一手(無咁多錢，不過依家有參與月供計劃)，不過我可以模仿(長揸好股 + 股息再投資)。我會把自己的部份餘錢當儲蓄或退休金選擇優質公司去IPO，其實只要係優質公司，相信三四十年後翻幾翻不難，成積一定好過強積金。我會用白表IPO，因為賣出麻煩及收股息唔使比手續費。這批股票除非有需要，否則不會賣，會當作退休或自己有事給家人的一點錢。
其實IPO的股票不一定用於短線炒賣來賺錢，但大部份人係為求短線利益。我IPO主要是用小錢去投資一些有潛力公司而唔係潛水公司，只要公司運作得好，倍數升值不難。
我覺得好多人買股票不能賺到大錢主要
1. 注重眼前利益殺雞取卵 - 當賣掉一隻好股票時，好多人心目中己經有個一障礙，係唔會響高過自己賣出價買回，因為會覺得貴，但其實對那隻股票真正價值一無所知 。這點需要多學習分析公司狀況，我在學習當中。
2. 以為股票只是高賣低買的遊戲 - 邊個可以做得到？有錢主導市場果一群人就可以令動盪而高賣低買，散戶可以跟到幾多次？好多老散贏粒糖就賣，輸就磨爛蓆
重有....遲D有機會再寫
2007年9月12日星期三
次按問題
次按問題攪到滿城風雨，本來在大陸超強勁經濟增長帶動下，個市理應升爆燈。但subprime 新聞日日聽，手尾應該好長。依家D人就變左日日都驚個市有股災，到依個位個我依然相信，早國依頭火車可以繼續帶動全球。
之前 8-17 買的股票表現非常好，除左匯豐其他有兩至三位ge巴仙收獲，成績唔錯。
前排睇過份report 講渣打，雖然佢無投資 subprime 產品，但佢投資旗艦公司揸左好多 subprime 產品，所以依排買銀行股要小心，間接影響都可以好大。至於手上揸ge渣打同匯豐係作 roll over 投資，唔係非常情況係唔會賣。
而有樣野想比大家參考，次按問題影響下，買股最好考慮地區同類別相對被次按影響的程度
(在亞太區)
地區:
台灣、日本 (影響最多)
澳洲、香港、馬來西亞、泰國、星加坡(影響中等)
中國、印度、印尼、菲律賓 (影響甚小)
行業:
電腦硬件、半度體、汽車、交通運輸 (影響最多)
地產、礦產、耐用品、銀行、建築材料、化學品、鋼材、工業、電腦軟件(影響中等)
電力、能源、日用商品、保險、傳媒、電訊(影響甚小)
資料來自一個report，希望可以幫到你。
2007年8月27日星期一
四叔買乜我買乜
上星期睇到報紙報導，四叔在八月十七日(HSI大跌…千二點果日)用左廿億掃貨，當有D我都有買和之前持有。至於四叔買ge可歸類為
- 超級增長股中人壽，林森池先生所講ge千里馬，想知點揀千里馬ge朋友可以參考林森池先生著作'平民資本家' (我有兩手IPO揸到依家)
- 國內地產股，因為我不大認識大陸地產我無持有。不過一個國家開始經濟起飛，離不開食好D住好D，需求增加自然有利內須股同地產股，情況有如廿年前的香港
- 煤電股，成市化會令電力需求增加，而且阿公無打壓煤價
- 鋼鐵股，大陸重有好多大型基建要開工，鋼鐵水泥不可小，水泥 (914)已經升到開巷水位有限
我同四叔眼光都差唔多....hehe......我估主要原因其實係我同佢ge information source係相近.....當然我果D無得同佢比....
可能加埋四叔效應今日個市升到顛左！朋友如果你想入市，買之前計一計D水位同明白自己係長線定短線先買，因為恆指同國指累積升幅真係唔小。
星期五同Yoki夫婦食飯，講開上次我響佢鋪頭開股票投資入門的學員(果次純粹教佢地D基本野，我無收錢)，大部份都無聽我講買我講ge股而走去玩細價股，可能好多人認為玩股票係為左短時間搵錢，而忘記我所講的投資本義同老千股ge危險性。我之前的文章亦有提及過，有緣ge朋友希望你參考一下我所有投資, 股票標籤的文章，當然歡迎你比comment我。
我想如果佢地照我講去買(當中包括四叔有買果D)，40-50% profit 唔難做到，不過中間上落可能佢地EQ未足夠應付。
用另一方向想，佢地早D響股市損手學乖好過臨老輸鑊甘。
2007年8月23日星期四
阿公派錢
星期一阿公比大陸資金自由行，明益香港，咁睇法，香港真係會有一個超級大牛市。所以果D所謂民主派唔好成日話阿公依樣唔好果樣唔好，實制D幫D低下層公人爭取，打壓D無良商人同判頭重好。連三餐都攪唔掂點講民主？ D無良商人同判頭地的確搵左好多低技術勞工好多血同汗，真係要quote 一句 "Can you feel the sweat and tear?"
開頭睇新聞，見工人的衝動行為我有D討厭，睇番D報導同雜誌先知佢地好慘，無乜人幫，開工不足，比人拖數走數，知識水平低，不懂表達，加加埋埋，以致他們不懂溫和地爭取，可以理解。看一看，我有點兒覺得有部份問題是由講求效益多於人情的美式管理方法所致，因為中國人世界好多人都係比較重義氣和感情。D有錢佬響香港賺咁多錢，應該為D弱勢社群做D野。
講返阿公派錢，最大得益應該係中銀、中銀香港、港交所、大型H股、大型紅籌同為人認識的大藍籌，所以你應該知買乜，點都唔會係買老千股…
除左股市，錢到時香港，經濟亦會被會帶動，香港人會得益不小，不過真係要打壓D無良商人同判頭。
真係要多謝阿公比咁多優惠香港。
2007年8月20日星期一
2007年8月17日星期五
假如我是…
昨日在剪髮時想起一個中學作文的提目「假如我是…」，在剪髮時作了想和大家分享
假如我是一個 PRADA 手提電話
她會對我珍而重之，每天都小心地保護我，替我貼上保護貼、穿上名貴皮套及清潔。
她會把我天天帶在身邊，經常用手把我緊握著、和我說話及用喜愛的眼光看著我。
她會經常帶我出席社交場合，更會驕傲地把我展示在朋友面前。
假如我是一個 LV(Gucci/Dior) 手袋
她會對我珍而重之，每天都小心地保護我，假如餐廳待應把我弄污，她會為我出頭。
她會把我天天帶在身邊，把她最貴重的東西交由我保管，經常用手緊緊的Q著我、用喜愛的眼光看著我。
她會經常帶我出席社交場合，更會驕傲地把我展示在朋友面前。
個題目非常好玩…
2007年8月14日星期二
07澳門之旅 (1)
前兩日和家人一齊澳門飲飲食食玩左兩，玩得非常高興，唯一美中不足是出發前要處理一件工事。
那工事是因一位同事沒有follow一D已知問題所政，而且是因他之前做漏野所致，那問題上兩星期亦有同事提醒他follow，但他…… 在處理事件的電話對話中他更用了一些悔氣說話和我對答，須知事件由他引起，自己不立刻修正還要拖，果位仁兄令我上船前一肚氣。
因姊姊及妹妹都是教師，依兩年我外出遊玩都要在八月舉行。我們十一時半到達澳門，在碼頭乘坐酒店車去我們的第一站 — 葡京法國餐廳 Robuchon 用午膳。據我姊姊說，這餐廳得過很高榮譽的大獎，食物水準非常高，晚飯要數千元找數，但午餐set lunch只須三至五百元。
餐廳裝飾非常高雅，門口有替客人存放名貴紅酒的紅酒櫃及四架非常精美的木頭車擺放著一部份lunch 的食物，分別是法式麵包車、芝士車、甜品車及糖菓車；每張枱都擺放了一款不同而名貴的瑠璃擺設，當然有很靚的枱、椅及疏化，天花板上有很美的星形水晶粒燈，廁所是自動感應開門，待應的外觀及服務非常好。
set lunch有一個餐前小湯，而湯是放在一個精政球形玻璃器皿上，買相一流。因為不是order的餐湯，我不知是甚麼湯，湯得幾口，分兩層上層翠綠色下層白色。用完餐前小湯後，待應為我們送上一籃法式麵，內裡有六七款不同的麵包，款款都很美味，有的以前未見過，我們添食了一次。
之後上前菜，我們有的order鴨肝多士加重金屬(金薄)了和一個炸蝦仔，因為食得太多唔記得重有order乜前菜。鴨肝多士賣相非常好，一層薄薄的鴨肝醬鋪在一個長方形碟子上面再鋪上兩片重金屬，多士分開上。
用完前菜後，到餐湯時間了，有忌廉及海鮮，湯都是在客人面前倒上，忌廉湯很特別，用一個像倒轉大鐵帽盛載。雖然海鮮湯沒有用特別容器，但味道非常鮮美。
主菜我們叫了龍利柳、和牛漢堡、法式鵪鶉鵝肝和羊排，最特別是法式鵪鶉鵝肝，用鵪鶉鵝肝切粒放入番茄裡焗，味道一流。加上餐後後的咖啡及甜品，這一餐非常完滿。甜品有很多選擇 float island, 拿破倫餅，人仔puff，芝士蛋糕，士多啤利tart都非常好味，而雲糕球一定要試brown sugar favor。致於咖啡有很正的小甜焦糖漿給你加上，非常特別。這次是我有生以來最好的一餐，環境、服務、食物質數及價錢我給滿分。
用完午餐後我們本想去新葡京看看何生粒鑽石，但原來那鑽石展覽了一天就收起了，真的白行一次，但我妹妹在葡京另有發現，見到一張以日本退休的AV女優跳脫衣舞的show，$250我覺得非常貴。
之後我姊姊先行去星際酒店check-in，因下著毛毛雨，其他人就到永利玩玩。永利裡面地方很大，人頭湧湧，我們有幾百元收獲作為晚飯津貼。不過賭場真係好多不同人，玩完之後記得洗手、洗手、洗手。
逛完永利，因星期日很難找的士，我們便步行到南灣網球會利安食葡國菜，南灣沿途風景很美，如果可以兩人漫步會是非常浪漫，比起市區真係天堂和地獄。
晚飯不差，但可能因為午餐太好關係，比下去就打了折扣。而我反而覺得上年去的咖哩屋比今次的利安好。因只得四人(包括我、弟弟、姊姊和她朋友)留下過夜，其他人吃完便上船歸家。而我們就漫步前大路找的士回酒店。聽姊姊說今次幸運地被upgrade住商務客房，正！
2007年8月11日星期六
十四歲的九優女狀元
前兩日會考於榜，今屆有一個智商非常高的十四歲女生考獲九優。網上的人都議論紛紛，有的讚賞，有的取笑其身形，有的說她在新聞上說補習天王時所講的話比較吋。
平心而論，我對她非常欣賞。欣賞不是她奇高的智商，而是她出身普通家庭，資源有限，雖然確定有非一般智商，但沒有選擇名校，甘於在一間普通中學就讀，得到九優成績仍在原校就讀，非常難得。說她在新聞上所講的話比較吋，我一點也不覺得，在親聞訪問中她說出一點我非常同意，就是學習要有興趣先會學得好同快，但有幾多香港學生明白和去實踐？
我中學時已知此道理，但礙於自己的中英文程度「超低能」，自己沒有恆心學好，對語文科目避得就避。所以在閱讀時非常吃力，因為自己EQ低，有一段時間是處於放棄況態！而很多野其實用現在語文情度去睇返都好淺。好彩是當時家人支持，會考語文可以合格過渡。
當時自己語文能力低，在中四時開始專攻數學，因為計數不須太多英文，哈哈…，成績不錯…不過上到A-level英文真係死到直一直…直到有幸上到City先知死，俾心機學英文，英文開始有進步時，回想發覺很多容易理解的東西都是因語文程度關係令我閱讀起來十分吃力，中途放棄。
知識有好多都係互相關連的，要老實地一步一步學習，築好底先可以繼續上，中間偷懶miss左D野，之後的東西可能要花更多時間去理解，語文對理科人看來不大重要，經驗所得其實是很重要，語文能力低會令閱讀理解及表達都大打折扣。
在依段大學讀完又讀的生活中，令我知道經過老實學習、思考及融會的才能是自己的知識。
雖然在學習上我走了很多比人長的路，但亦有得著，其中得著是認識了九流通訊工程師同應該響美國攞到PhD ge阿Joe...
訂閱：
文章 (Atom)
