星期六是父親八十大壽，祝佢身體健康，行得走得食得瞓得。
那天沒有大排延席，只是在鏞記自家人飽餐一頓，因父親在港的親人不多，至於母親邊的親人很多都不請也罷。美中不足是大哥及大姊兩家人身在美國而妹妹外家有事不能出席。如果齊人應該有廿八人，哈哈……真係講出黎都嚇親朋友
回看父親真的老了很多，因他不酒不煙生活正常，身體尚算健康，現在行得走得食得瞓得，買菜煮飯洗衫都有做，比同齡老人佢身體好得多。
亦因父母努力工作及全力支持各人讀書，各兄弟姊妹都飽讀書出身亦不錯，感情都很好。非常興幸可以係這個家庭的成員，雖然小時家境十分清貧，但可能在這環境長大，更加令我們懂得珍惜身邊的一切。
2007年7月23日星期一
2007年6月7日星期四
好人難做
前排響個forum出聲婉轉地叫人唔好推介細價股，點知比人話番轉頭，真係唔知講乜好。
雖然個post有D字眼叫人想過自己衡量風險先決定買唔買，但果隻野個number好早已經響其他地方吹到慶合合。我唔知佢係乜居心，所以好婉轉地講唔好推介細價股，但被另一個人寸。究竟佢想叫人接火棒定助人發達呢？不得而知…
在我看，果D字眼叫人想過自己衡量風險只不過係做樣，好多輪商都有咁講，但立場上上佢地係唔係想咁做？個答案好明顯…
又等如你被朋友帶去夜總會，跟首朋友同你講：「我係雞蟲我會叫雞，叫雞有風險，你自己決定叫唔叫啦！」如果真係唔想人做一D事，點解要講出黎又或者帶佢到門口呢？
我覺得，如果真係好好心就最好唔好講，細價股係唔係咁易搵錢？我覺得睇時間水頭賺錢水尾等死…幫老千出消息ge都係老千，只不過層次唔同
其實細價價股，因價值低流通量小，只須要十幾個人攞幾百萬出黎收曬D街貨，舞高弄低非常易，到最後接貨果D人一定係血無歸，而依D人當然係最後收消息ge老散。如果有D莊家玩孖展將D股票按比銀行，一出事重死得快，以前見過一有事銀行要收返D錢不問價會怒沽，加上雪球效應，幾十分鐘內可以大跌九成，你想賣都無人接。
細價股值唔值得玩，因人而異，有人鍾意富貴險中求，我就麻麻。在我看，好多細價股損手者好多都無 fix一D rule 去玩，好多人主觀願望深信自己會好好彩唔會有事，有事時就深信坐艇就終會有日到岸，如果係好正常運作ge 公司就無問題，但不務正業ge細價股公司就溝淡散仔股本再合股，八號仔2000年$2x 至今跌幅比起果D不務正業細價股公司真係小巫見大巫！
2007年5月29日星期二
無題
1. 作家素黑：當妳以作為逃避成長害怕獨立的借口時，就是無賴！以生理結構理據作為活壞情緒的借口是不智和幼稚的，因為妳還沒有成為一個真正合格的女人，寧願逃避，做個拒絕長大的小女孩。所以，很多自我放棄，恃弱凌人的女人特別依賴，強求得到男人應份的照顧，最終變得討厭和醜陋。
2. 在<<一個人，不要怕>>一書裡，作者素黑揭穿了女人愛男的假像： 〝愛是假，依賴是真。〞 男人也要被關心、被愛的。也許，關心愛護的方式不一樣，但前題是，他愛妳，也希望妳愛他。我以男人立場來說，不少男人走了，是因為男女在愛和被愛上過於失衝。男人並不感到女人是愛他、關心他。 在看這文章的女子，請問，妳關心妳的男人嗎？還是，妳只是關心他對妳好不好而已？
可是，大多數女子並不同意，說，"女人天生是有權利給男人來愛！ 這是男人的責任！ " 我只想說，the God has never promised you a rose garden. 換作最老生常談的一句，是 "相愛"。妳也知道愛是互相的，但，妳真的去愛妳的男人嗎? 看小華的例子： "將來嫁了好丈夫，可以像其他女人那般，有老公養" -- 她怨，她恨，沒有好男人來愛，可是，一天她見到一個還可以的男人了，小華會去愛他嗎? 還是素黑說的： "由來愛是假，依賴是真。" 素黑說，"自愛，愛人"。女人是被愛的，是否等如，女人不必自愛，不必去愛人？只因自愛愛人是難，要時刻付出努力 ...
可是，一些女子也不在乎，走回頭路以弱者角色，說： "婚姻是責任和義務。" 於是，憑藉 "男人盡責" 這理由，希望得到幸福快樂。-- 如果妳以為我說妳，妳誤會了，以責任義務來要求男人的女子，其實不少，是妳，也是她，還有其他很多個她 ... 於是，男人拒絕再玩，離場走人。在日本，年青一代連拖也不拍了，干脆單身。女子莫怨男人長不大，妳也沒有長大啊！
今日響forum見到依段野，令我想起一D野……
2007年5月26日星期六
zoneEzone開張
今日 zoneEzone.com 正式開張 !! 有興趣的朋友入黎睇睇比下意見。
今次做依個網站發掘到一件好正ge Web Content Management System - Joomla!。不單容易安裝同setup，而且 extend degree 好大，好多人同公司為佢寫左好多不同功能 components, modules and plugins，而且好多係 Open Source and free of charge。
2007年5月24日星期四
Hayley Westenra
第一次聽Hayley Westenra係幾兩年前一個晚上響明珠台播佢ge一個演唱會，聽左幾分鐘已經被佢把聲吸引，攪到第二日要即刻去HMV搵佢ge CD。有D歌雖然係D好common成日聽，由佢演譯真佢好唔同，依兩首係我好喜歡
The beat of your heart
Prayer
2007年5月23日星期三
飲可樂會上癮?
前排睇過一段新聞報導，可樂響冇乜理用下加左咖啡因(加左對色香味都冇幫助)，在陰謀論下，佢係想令到人飲上癮，從而保持盈利。
前幾日響office見到一個奇境，見到一位很出位的同事竟然在自己位擺放一棟半個人咁高ge coke light，當中有原味及檸檬味。數一數，係五層加一pack，每層三packs，共 16 packs，而每 pack 有 8 罐，總共 128 罐。128 罐！我估過去果五年我飲ge汽水加埋都冇咁多，世事真係無奇不有。做左咁耐野真係第一次見人做到咁，當正 office 係自己屋企，勁！可能佢ge可樂癮真係好大。
姑勿論佢行為，咁飲diet coke係唔係好呢？我就覺得diet同non-diet都係唔好飲得多，無營養價值同太多人造成份，個人覺得很多人造成份都有問題，好多長期食用會出現問題，主要因利益問題而唔公報，例如麥當奴比人爆出junk food 問題，先開始改。還有，記得有營養師講過，代糖食得多對個腦有影響，唔知果位同事的古怪行為同思維會唔會同長期飲diet coke 有關？
2007年5月14日星期一
QDII
上星期阿公放寬QDII投資去舒緩A股泡沫，此舉非常明智。
經過幾次增加銀行儲備金後，國內人民投資意慾沒有減卻，有很多人有錢但沒出路，亦有人賣田押屋去炒股票。國內股票好多 P/E 已經去到三十幾倍依然繼續升，無辦法，因為僧多粥小。國內人民投資情緒高漲，如果繼續落去，爆起上黎真係唔講得小，而且以今時今日中國的經濟影響力，只要一出事，相信全世界冇一個國家可以幸免，會比 1997 及 2000 果劑大鑊好多。
阿公這樣做令到幾方都得益
1. 可以達到某情度的洩洪效果，有些錢不用夾硬投資溢價偏高ge A股。
2. 肥水流入自己田，某情度上令香港人得益，有錢到自然有好多公司有發展機會，希望香港人會珍惜阿公比ge野，唔好一味話阿公唔民主，飯都冇得開時講乜鬼民主呢？
3. 亦可縮窄 A/H 股差價，令到A股間接地溫和地調整，比較健康。
而之前自己或幫阿媽買落ge H股 (江西銅、兗州煤、神華能源和大唐發電) 今日都升左唔小，飲得杯落，真係要多謝阿公。
之前有朋友買左D中石油及港交所窩輪響今日起死回生，真係皆大歡喜。
而且今日收到廖師傅來電，知道阿文亦可做到冷靜地克制自己，非常好，人生漫長，希望佢繼續學習繼續進步。在亦很感謝阿文接納廖師傳和我的說話。
至於我好朋友九流通訊工程師亦賺到今年使費，應該有餘錢請我去旅行....hehehe.....睇到就識做啦
2007年5月9日星期三
投資的首要條件 - 本金
前日得到廖師傅傳消息，得知阿文在近日升市中，將之前在窩輪市場上差不多輸定了的大量金錢奇蹟地減到很小，真係值得高興，亦舒了一口氣。希望佢會珍這次上天給他的機會，從次寶貴的經驗令佢有所領悟及得益，亦希望佢多些參透一些佛學哲理(我有些班門弄斧)，克服一些人性的習陋，相信對佢人生、事業及日後在投資市場上的活動有所幫助。
但同日亦收到另一位朋友來電說買了中石油窩輪，真係有點不高興。第一，在對話過程中發覺佢對那隻窩輪所知不多；第二經過了好消息出爐及大升後，基本上上升空間有限，追入風險非常高。相信經過這幾天中石油回吐佢已經唔見左40-50%，雖然果筆錢對佢來講只是雞毛蒜皮，但對好多人來講是一個不小的數目。
近排有些唔開心，聽到身邊越來越多日參與老千股和窩輪買賣，很多人離不開個"貪"字。真心說我亦很貪，初出茅廬時，因誤信親戚提供的老千股輸了不小錢之餘，重連累好朋友。我本是一個比較口密的人，只講比幾位最好的朋友聽，偏偏就累了最好的朋友(當然包括九流通訊工程師)，真係好心做壞事。近幾年，因一些機遇學識一些投資知識及得到珍貴的市場消息，雖然輔助九流通訊工程師賺左唔小，但今時今日重有些耿耿於懷。
老千股經常可以在市場千極都有人落疊，主要運用了人貪的心理及巧妙地運用人與人之間的信任。
今時今日我學乖了，貪之餘我會加上風險考慮。要知道在投資市場上機會多的是，令願放過都唔好買錯。而且投資市場是錢搵錢的，入投資市場搵錢首要條件是有本金，沒本金就等如Micheal Jordan六犯離場，知道自己落場一定贏，但根本沒法落場只可眼睜睜地睇。
如果在這次升浪中輸掉大部份錢，在下次升浪來臨前可以儲到的錢是不會太多，本金有限時一定會錯過了之後升浪的機會。所以很多不注重本金的人每每在每次的升跌週期中輸掉本金、儲錢、輸掉本金…，只會不繼在牛熊週期中原地踏步、或在當中被foul出局…
所以我主張本金安全增值是首要考慮。
訂閱：
文章 (Atom)
